....(( مش هداري خيانتكوا )).....

....(( مش هداري خيانتكوا))....


ليه دايما بثق في أشخاص
و بديلهم أصدق اخلاص
-----------------
بشيل بيننا كل الحدود
فاكرة ان الطريق هيتملي ورود
-----------------
كنت بحكيلهم دايما كل حكاية
كاملة ... من البداية للنهاية
-----------------
ده انا كنت فاكراهم صادقين
كنت بحس انهم جنبي مهما رحت فين
لكن للأسف ... بكتيرهم يومين
يمثلوا عليك انهم طيبين
لكن في النهاية يطلعوا خاينين
بعد ماكانوا بيمسحوا دموعي عالخدين
بقوا هما اللي بيزودوا دموع العين
-----------------
كنت بحكيلهم وبرتاح
شكيتلهم من ماضي قاسي راح
لكن للأسف ... طلعوا هما سبب الجراح
-----------------
يا سلام على كلامهم اللي بيخدع
ده انا ياما كتير جربت منهم أسمع
خدعوني وافكرت ان الحزن مش هيرجع
بس خلاص ... مستحيل أصدقهم ... معدش ينفع
-----------------
أصدقهم ازاي بعد ماخدعوني
اديتهم ثقتي بس للأسف باعوني
و ثقت فيهم و في الاخر جرحوني
-----------------
معاهم كنت فاكرة اني عايشة أجمل أحلام
كنت حاسة ان حياتي بقت أسعد أيام
بس للاسف مليتوا حياتي كلها آلام
طلعت وعودكوا كلها كلام
طيب وليه؟؟ ده حتى حرام
-----------------
خلاص دلوقتي معدتش هشكي
لا هجري عليهم ولا هحكي
كل اللي هقدر عليه اني ابكي
-----------------
بس مش عليكوا ... هبكي على قلبي الجريح
اللي كان معاكوا صريح
كنت فاكراكوا ملايكة بصحيح
-----------------
خلاص انا هندم على ايه؟؟
زرعتوا الجرح فيا و دموعي فيه
فيه اه تاني ممكن أندم عليه؟؟
-----------------
أندم على أشخاص خدعوني!!!
بطيبتي صدقتهم وخدعوني
-----------------
قلتلهم على كل اللي فيا
فعلا صدقتهم عينيا
بس للأسف ضحكوا عليا
مهو أصل انا مكتوب عليا
تفضل دايما دموعي في عينيا
-----------------
معاكوا حقيقي حسيت بالامان
صدقت قلبكم بس للأسف باع وخان
وانا قلبي لصداقتكم صان
و فتحتلكوا لقلبي البيبان
وعدتكم أديلكم كل حنان
-----------------
معاكوا الايام كانت بتفوت
وانتوا فيها بتخدعوني من غير صوت
دلوقتي كل لحظة انا فيها بموت
-----------------
حطولي في كل طريق نور
ساعدوني أعدي كل سور
-----------------
حسيت اني هبدأ معاكوا عمر جديد
سمعت من قلبكوا أطيب تنهيد
بس طلع من قلب حديد
-----------------
اتصدمت خلاص وقلبي اتكسر
بقيت حاسة بالغربة بين البشر
-----------------
بخيانتكوا هتفضلوا زي مانتوا
مش هتتغيروا عما كنتوا
-----------------
مش هداري خيانتكوا على طول
لازم ألومكوا ... لازم أقول